ආදරේ ගලන තැන
හදවතින් හදවතට
යාලුකම පිරෙන තැන
නෝට් පොත් අගිස්සේ
කවි කෑලි ලියන තැන
ඉසිඹු ලන මොහොතකට
හිස් වචන කියන තැන
පුටු ගොඩක් තියෙද්දිත්
බිමින් ඉඳගන්න තැන
විහඟ රෑනක් වගේ
ඔහේ කෑ ගහන තැන
ටයි පටිය අග රැඳුණ
පහන සේ දිලෙන තැන
පහනකින් තව පහන්
දහක් බබළවන තැන
ඇහිඳ අකුරින් අකුර
හෙට දවස තනන තැන
ලබා සරසවි වරම්
විදු මවුන් පුදන තැන
ළදළු යුත් බෝධියේ
සෙවණ යට වඳින තැන
වෙළා සෙනෙහසේ අත්
යාලුකම් රකින තැන
ප්‍රංඥාකුර ලෙසින්
නැණ නුවණ වඩන තැන
වීර දූවරු හදා
රට දැයට පුදන තැන
දහතුනේ අන්තිමේ
ඇස් දුකින් තෙමෙන තැන
වෙන් වෙලා යන්න පෙර
බදාගෙන අඬන තැන
අන්තිම කවිය නම් හිතට දැනුනා කවිපෙල අපූරුයි.
ReplyDeleteඅවුරුදු හයකට කලින් සතුරන් මිතුරන් එකට බදාගෙන වෙන්වුන දවස මතක් වුනා
සමහරුන් එදයින් පස්සේ අද වෙනකම් ඇහැට දැකලා නෑ
හප්පා.. අපිටත් එහෙම වෙයිද දන්නෙ නෑ කියලා බය හිතෙනවා..))
Deleteඉස්කෝලෙට වඩා කැම්පස් එකේ මිතුරුදම් පවතිනවා වැඩියි. මම ඉස්කෝලේ කැම්පස් එකේ වගේම සේවා ස්ථාන දෙකකිනුත් සමුඅරං ගියාට ඒ මිතුදම් රැදෙනවා අඩුයි. ඉස්කෝලේ කාලේ මතකය විතරයි දැන් බොහෝවිට ඉතුරු
Deleteමාත් උසස්පෙළ කළේ මගේ තුන්වැනි පාසලෙන්.පරණ ඉස්කෝල දෙකේ හොඳම යාලුවෝ නම් තාමත් ඈත් වෙලා නැහැ.ඒත් ඉතින් අනාගතේ ගැන පැහැදිලි නිගමන දෙන්න බැහැනේ.. සමහර යාලුකම් මැකිලා යාවි.. සමහර යාලුකම් ඉතිරි වේවි..))
Delete:( :(:)
ReplyDelete..))
Deleteඋසස් පෙල කියන්නේ වල බහින තැන, වලි ගලන තැන, ලව් කරන තැන, ජීවිතේ හැරෙන තැන
ReplyDeleteඅලුත් යාලුවෙක් වාගෙ.. වැස්සේ තෙමෙන්න පිළිගත්තා ඕං..!
Deleteඑහෙනම් ඉතින් කුඩේ අකුලගත්තා ඕං. මම මේ දවස්වල අලුත් බ්ලොග් හොය හොය කියවනවා. ඒ ගමන තමයි වැහි කෙල්ලගේ ගෙවල් පැත්තේ ආවේ. මම බ්ලොග් රෝලටත් දා ගත්තා.
Deleteහැබැයි ඉතින් සෙම්ප්‍රතිශ්‍යාව එහෙම හැදුණොත් ඒවාට වග කියනු නොලැබේ..)))
Deleteගෙවී ගිය
ReplyDeleteදෙවසරක කාලයේ හැම නිමේශයම
ලිවිය හැකිනම්
මේ බිත්ති අතර
පොරබදී සිතුවිලි
පෙරට එන්නට
වෙන්වෙනා මොහොතේ
ගොලුවේ මුව
දොඩමලුවේ
කඳුලු
ඉස්කෝලේ අන්තිම දවසේ අකුරු කළ සිතුවිල්ලක්...
මේ කවි පෙළ කියෙව්වම අවුරුදු 5 කට එහා අතීතයට ගියා... පදයෙන් පදය හැමදේම මතකයට ගලා ආවා..
අපූරුයි වර්ෂා....
ස්තුතියි අක්කේ..
Deleteඔන්න ඔය වගේ කම්මැලිකම නැතුව බ්ලොග් එකෙත් කවියක් ලියන්නකො..))
ඔක්කොටම වඩා එය
ReplyDeleteහිත රිදපු ලොකුම තැන
ඔව් අන්තිම දවස..!
Deleteඋසස්පෙල නේ?
ReplyDeleteඉස්කෝලෙන් සමුගත්ත දවසේ අඬලා අඬලා ලිව්ව කවියක්..!
Deleteol ඊට වඩා ආතල් කියල හිතෙන්නැද්ද?
ReplyDeleteඒක ඉතින් සාපේක්ෂ කාරණයක්නේ.. මං පුද්ගලික ව වැඩිපුරම වින්දේ උසස්පෙළ ජීවිතේ..
Deleteඔව් සාපේක්ෂයිනෙ. ලස්සනයි දිගටම වැඩේ කරගෙන යන්න.
Deleteබොහොම ස්තූතියි..
Deleteඔන්න අපිත් තෙමෙන්න ආව අක්කේ... ජය වේ !
ReplyDeleteඔන්න මම බ්ලොග් රෝලෙටත් ඇඩ් කරගත්තා.
ReplyDeleteස්තූතියි රන් මකරා.. වැහි වැටෙන තැනට අඩුවට හිටියේ මකරෙක් විතරයි.ඔන්න දැන් ඒකත් හරි..
ReplyDeleteආදරෙන් පිළිගන්නවා වැස්සේ තෙමෙන්න එහෙනං..))
ඉක්කෝතුයි
Delete