Saturday, February 27, 2016
23. ඒ සීත දිය පොදේ නහවන්න...
හිතට දුර නැති දුරක
ඇහැට අහු වෙන තැනක
අහම්බෙන් ඔබ පිපීගෙන ඉන්න
නොහිතපු ම විරාමෙක
එක්තරා අහම්බෙක
නෙළාගෙන යන්න මට ඉඩ දෙන්න..
අනවරත වැසි වසින
වැසි වනන්තරය අස
පුංචි ඔසු පැළයක් ව ඉපදෙන්න
සුව කරන්නට නොහැකි
සියලු රෝ දුක් රිදුම්
සෙනේ ඔසු ගල්වමින් සනහන්න..
රලු පරලු පොළොව මත
ලා තෙතක් ඇති බිමක
සීත දිය ඌලක් ව මතු වෙන්න
සපුන් විද රිදුම් දෙන
මහද දෝතට රැගෙන
ඒ සීත දිය පොදේ නහවන්න..
Subscribe to:
Post Comments (Atom)
කොමෙන්ට් එකට දාන්න අදහසක් එන්නේම නෑනේ.. ලස්සන වැඩි කමටමද කොහෙද
ReplyDeleteහප්පේ.. තැන්කූ..))
Deleteමලක් වෙන්නම් එළියවන්නට
ReplyDeleteඔබට පමණක් නොව ලොවටම
ඔසු පැලයක් වන්නත් පුළුවන්
සුව කල හැකිනම් හැමොම
උල්පතක් වී සිසිල දෙන්නම්
උනුසුමින් හඬන හැමෝම
කවදා ලැබේද නොදනිමි
ආර්ත්මාර්ථකාමී නොවන ප්‍රේමයක්
කොච්චර පරාර්ථකාමී වෙන්න හැදුවත් ප්රේමයේ පොඩි ආත්මාර්ථකාමී ගතියකුත් තියෙනව නෙව..))
Deleteමේ වැස්සත් ලස්සනයි.....
ReplyDeleteස්තූතියි කුරුට්ටෝ..
Deleteලියන්නට පිලිතුරක්
ReplyDeleteසිතට නොම එයි කවක්
එබැවින් නොගෙවා දුරක්
පුදමි සිනහවක් පමණක්
මුලක් මැදක් අගක් නෑ වගේනං ගනං ගන්න එපා එච්චර :D
මෙන්න බොලේ වැඩක්... අලියා කවදාවත් නැතුව කවියක් ලියල...)))
Deleteනියමයි කියල කියන්නං
ReplyDeleteඑච්චර නියම නං නෑ මේක.. අගය කිරීමට ස්තූතියි ඉවාන්..))
Deleteලස්සනයි. අහිංසක වැසි දැරියගෙ අහිංසක ප්‍රාර්ථනා...
ReplyDeleteමට මතක් වුණේ චන්‍රද්‍රෙල්ඛාගෙ මේ සින්දුව..
ඇසට පෙනෙන දුරක සිටින්නම්
හදට දැනෙන තැනක රැඳෙන්නම්
තනිව හිඳින නිහඬ රැයක
කණට ඇසෙන දුරක ගයන්නම්...
මං අහිංසකයි කියල කවුරු හරි කිව්වමද කොහෙද.. අනික අපි ඉතින් මුණගැහිලත් තියෙන එකේ තරු අක්කට ඒක ප්‍රත්‍යක්ෂයෙන් ම කියන්න පුළුවන් නෙව..)
Deleteලස්සන ගීතයක්.. එක පාරටම අහන්න දොළ දුකක් පහළ වුණා මේ කමෙන්ට් එක දැක්කම..))
බ්ලොගයට වැටිච්ච අකුරු වැහි බින්දු ටික හරි ලස්සනයි නෙව..
ReplyDeleteතැන්කූ තැන්කූ ගිම්මි අක්කෝ...)))
Deleteහරිම ලස්සනයි වැසි දැරිය ඔයා හරිම දක්ශයි
ReplyDeleteඑච්චර දක්ෂ නෑ අප්පා..))
Deleteවරුසා -කවිය ,අදහස, පැතුම හරිම ලස්සනයි.
ReplyDeleteජයවේවා....
ස්තූතියි කසුට්ටෝ..))
Deleteවියලී ඉරි තැලුනු කතරට..
ReplyDeleteපුංචි වැහි බිදු වැටෙද්දි දැනෙන සතුට
ම්ම්ම්...
ඒ දූවිලි සුවද..
මතක් කරාට ස්තූතියි........
තවත් වැස්සක් අරන් එනකන් මග බලමින්
ස්තූතියි වැස්සෙ තෙමෙන්න ආවට...!!
Deleteඅපූරු පද වැල් ටිකක්...
ReplyDeleteඒ වගේම වැස්සේ තෙමෙන 200 වෙනි කෙනා වීමත් සතුටක්...
ආදරයෙන් පිළිගන්නවා වැස්සෙ තෙමෙන්න..))
Delete